2024 წლის მნიშვნელოვანი მოვლენები „ჯორჯიან ეარვეისისთვის“

გაზრდილი მიმართულებები, სიხშირეები და მგზავრთნაკადი
2024 წელს, ავიაკომპანია „ჯორჯიან ეარვეისი“ თბილისიდან ასრულებდა რეგულარულ, პირდაპირ ფრენებს გაზრდილი მიმართულებებითა და სიხშირეებით. წელს, ფრენები სრულდებოდა 12 მიმართულებით: პარიზი, ნიცა, მილანი, ამსტერდამი, ვენა, ლარნაკა, ბერლინი, მიუნხენი, თელ-ავივი, მოსკოვი, სანქტპეტერბურგი, ნოვოსიბირსკი.
აღსანიშნავია, რომ „ჯორჯიან ეარვეისი“ პირდაპირ ფრენებს დღის საათებში ასრულებს, რაც განსაკუთრებით კომფორტულია მგზავრებისთვის.
„ჯორჯიან ეარვეისი“ 2024 წელს მგზავრთნაკადის გაზრდილი მაჩვენებლით ასრულებს. გადაყვანილი მგზავრების საერთო რაოდენობა გაზრდილია, როგორც 2023 წლის მაჩვენებელთან, ისე 2019 წლის, პანდემიამდელ მაჩვენებელთან შედარებითაც.


