Georgian Airways ჟურნალი ENG
კულტურა

„სიჩუმის ფერები“

მერაბ აბრამიშვილის მხატვრული სამყარო

„სიჩუმის ფერები“

მერაბ აბრამიშვილის შემოქმედება, როგორც ქართულ, ისე თანამედროვე მსოფლიო სახელოვნებო სივრცეში განსაკუთრებულ ადგილს იკავებს. მისი ნამუშევრები თავისი უცნაური სიჩუმით, სიღრმით და სულიერებით ნახვისთანავე იზიდავს დამთვალიერებელს. მხატვარი არ ცდილობს რეალობის ზედმიწევნით გადმოცემას, უბრალოდ, ქმნის სამყაროს, სადაც წარსული, მითოლოგია და რწმენა ერთად ცხოვრობს და მაყურე ბელს ფიქრისა და განცდის საშუალებას აძლევს.

აბრამიშვილი 1957 წელს თბილისში დაიბადა. მისი ბავშვობა და ახალგაზრდობა ქართული კულტურისა და ხელოვნების ისტორიასთან მჭიდროდ იყო დაკავ შირებული. მისმა მამამ, გურამ აბრამიშვილმა, რომე ლიც ხელოვნებათმცოდნე იყო, მხატვრის ინტერესებზე დიდი გავლენა იქონია. ისინი ხშირად დადიოდნენ ძველ ტაძრებსა და მუზეუმებში, აკვირდებოდნენ ფრესკებს, რაც შემდგომში ხელოვანის შემოქმედებაში ნათლად აისახა.

მერაბ აბრამიშვილის ხელწერა, ყველაზე მეტად, შუა საუკუნეების ქართული კედლის მხატვრობას ეფუძნება. მას განსაკუთრებით იზიდავდა ფრესკების მშვიდი, მაგრამ ამავე დროს, ამაღლებული ხასიათი, რასაც ის თავის ნამუშევრებში გარდაქმნიდა და დღესაც ისეთ განცდას გიტოვებს, თითქოს, ეს გამოსახულებები სხვა სამყაროს ეკუთვნის.

მისი მთავარი ტექნიკური თავისებურება ლევკასის გა მოყენება იყო. ეს არის ფერწერის ძველი მეთოდი, რომლის დროსაც მხატვარი მუშაობს სპეციალურად მომზადებულ თაბაშირის ან წებოს ზედაპირზე. ამ მე თოდის წყალობით მისი ნამუშევრები, ხშირად, ძველ ფრესკებს ჰგავს.

აბრამიშვილი არ გამოსახავდა ადამიანებს ჩვეულებ რივ, ყოველდღიურ სიტუაციებში. მისი ფიგურები, ხშირ შემთხვევაში, თითქოს, თაყვანისცემის ობიექტე ბად იქცევიან — ისინი არიან წმინდანები, ანგელოზე ბი, მითიური არსებები, ხშირად, დროში და სივრცეში დაფიქსირებულნი. ისინი არც ძალიან რეალურები არიან, არც აბსტრაქტულები — სადღაც, შუაში. ამ ყვე ლაფრით იქმნებოდა სულიერი და ფილოსოფიური განზომილება, სადაც ყველაფერი მდუმარეა, თუმცა მრავლისმთქმელია.

აბრამიშვილს განსაკუთრებულად უყვარდა მცენარეე ბის, ფრინველებისა და დეკორატიული ელემენტების გამოყენება. ამ დეტალებით ის გარემოს სიმშვიდეს, ბუნების სიწმინდესა და მარადიულობას უსვამდა ხაზს.

მისი შემოქმედება ხშირად განიხილება, როგორც დია ლოგი წარსულთან. მერაბ აბრამიშვილმა არა მხო ლოდ შეისწავლა ქართული კულტურული მემკვიდრეო ბა, არამედ მოახერხა მისი თანამედროვე მხატვრობაში გაცოცხლება. მან ძველი გამოსახვის ფორმებში შეიტა ნა ახალი აზრი, ახალი სული.

მისი ნამუშევრები სავსეა სიმბოლოებით, რომლებიც სულიერ ძიებაზე მიგვითითებს — რწმენასა და იმ დანა კარგზე, რომელიც კვლავ შეგვიძლია ვიპოვოთ. შეიძ ლება ითქვას, რომ აბრამიშვილის ტილოები ერთგვარი

„ლოცვაა ფერწერით“, რომელიც სიჩუმეში გვეპატიჟება.

მიუხედავად იმისა, რომ ის ცხოვრობდა პოსტსაბჭოთა ეპოქაში, მისი მხატვრობა შორს იყო პოლიტიკისგან. ის არ იყო ჩართული იდეოლოგიურ დისკუსიებში და ქმნი და სივრცეს, სადაც ადამიანი საკუთარ სულთან მარტო რჩება.

მერაბ აბრამიშვილის ნამუშევრები მსოფლიოს ბევრ წამყვან გალერეასა და მუზეუმშია გამოფენილი. მი სი ნახატები ლონდონის სოტბის სააუქციონო სახლის მიერ გამართულ გამოფენებზე იყო წარმოდგენილი. ის იმ ქართველ მხატვრებს შორისაა, რომელთა შემოქ მედება არა მხოლოდ საქართველოშია დაფასებული, არამედ საერთაშორისო დონეზეც დიდ ინტერესსა და აღიარებას იწვევს.

კიდევ წაიკითხეთ

„ჯორჯიან ეარვეისის“ მრავალწლიანი პარტნიორი
ავიაცია

„ჯორჯიან ეარვეისის“ მრავალწლიანი პარტნიორი

„ჯორჯიან ეარვეისი“ უკვე მრავალი წელია თბილისსა და ამსტერდამს პირდაპირი რეისით აკავშირებს, „KLM“ ჩვენი მრავალწლიანი პარტნიორია. „ჯორჯიან ეარვეისს“ და „KLM“-ს „Code Share“ ხელშეკრულება აკავშირებს და მგზავრებს თბილისიდან ამსტერდამში, ხოლო ამსტერდამიდან მხოფლიოს სხვადასხვა მიმართულებით,…

Airplane mode On
ავიაცია

Airplane mode On

**რატომ გვთხოვენ ეკიპაჟის წევრები ფრენის დროს მობილური ტელეფონების გადაყვანას Airplane Mode-ზე?** ავიაცია იყენებს ძალიან მგრძნობიარე რადიოსიხშირეებს, რომლებიც აუცილებელია როგორც დისპეტჩერთან კომუნიკაციისთვის, ასევე ნავიგაციისთვის. აქტიური მობილური მოწყობილობების დიდმა რაოდენობამ შეიძლება გამოიწვიოს რადიოსიხშირეების შეფერხება.

ამსტერდამი/AMSTERDAM
მოგზაურობა

ამსტერდამი/AMSTERDAM

წარმოიდგინეთ ქალაქი, სადაც არხების ხმაური მანქანების ხმაურს ანაცვლებს, ადამიანები ველოსიპედებით გადაადგილდებიან და ძველი შენობების ფონზე თანამედროვე ცხოვრება მშვიდად მიედინება. ეს ამსტერდამია, ნიდერლანდების განსაკუთრებული ქალაქი, სადაც ისტორია, ხელოვნება და თავისუფალი აზრი ერთ სივრცეში…