Georgian Airways ჟურნალი ENG
კულტურა

წინანდლის ფესტივალი - 2024

წინანდლის ფესტივალი - 2024

„მუსიკის სახელით“ – წინანდალში რიგით მე-6-ე მუსიკალური ფესტივალი გაიმართა. 31 აგვისტოდან 8 სექტემბრის ჩათვლით, ფესტივალის სცენამ კლასიკური მუსიკის საერთაშორისო დონის ხელოვანებს, ანსამბლებს და ამომავალ ვარსკვლავებს უმასპინძლა.

ფესტივალი იტალიელი დირიჟორის, ჯიანანდრეა ნოზედას დირიჟორობით, პან-კავკასიურმა ახალგაზრდულმა ორკესტრმა, ჯიუზეპე ვერდის რეკვიემით გახსნა. ორკესტრის მიერ გაჟღერებულმა რეკვიემმა დამსწრე აუდიტორიაში საზღვრების გადაბიჯების, იმედის შთაგონების, დაფარული ოცნებების და უკეთესი მომავლის იმედი გააღვიძა. მსმენელის წინაშე, ისეთი ვირტუოზი პიანისტები წარდგნენ როგორებიც, ბორის გილტბურგი, ალექსანდრე კანტოროვი, ბრუს ლიუ, მიხაილ პლეტნევი და ანდრაშ შიფი, ხოლო მევიოლინეებიდან – კრისტოფ ბარატი, ლიზა ბათიაშვილი, ჯოშუა ბელი და კლარნეტისტი მარტინ ფროსტი გახლავთ.

როგორც ყოველთვის, პან-კავკასიური ახალგაზრდული ორკესტრის გამოსვლა წინანდლის ფესტივალის ერთ-ერთი გამორჩეული და დასამახსოვრებელი მოვლენაა. ორკესტრი, მუსიკის სიყვარულით, კავკასიის სხვადასხვა რეგიონიდან – სომხეთიდან, აზერბაიჯანიდან, საქართველოდან, ყაზახეთიდან, თურქეთიდან, უკრაინიდან და თურქმენეთიდან შემდგარ ახალგაზრდებს აერთიანებს. ფესტივალი ახალგაზრდა ორკესტრის წევრებს, ყოველ წელს, შესაძლებლობას აძლევს მსოფლიო დონის დირიჟორებთან, სოლისტებთან იმუშაონ და არსებულ გამოწვევებს მუსიკით უპასუხონ.

წლევანდელი ფესტივალის პროგრამამ საორკესტრო პროგრამის გარდა, გამოჩენილი გამოსვლები, კომპოზიციები და მსოფლიოს წამყვანი მუსიკოსების კამერული კონცერტებიც მოიცვა.

კლასიკური მუსიკის ზეიმის მიზანი, შთამბეჭდავი გამოსვლების და დამსწრე აუდიტორიისათვის მუსიკის ძალით გაცოცხლებული ემოციების გარდა, ისტორიულად დატვირთულ საქართველოში ხელოვნების, კულტურული განათლების და სიმშვიდის ხელშეწყობაა. ეს მიზანი ფესტივალის მსვლელობის დროს ჩატარებული სემინარების და მასტერკლასების შინაარსშიც იყო ჩადებული, რომლებსაც ჩამოსული ხელოვანები და სტუმრები ესწრებოდნენ. ყველა პროგრამა ფესტივალის დამაარსებლების და დირექტორების – მარტინ ენგსტროემისა და ავი შოშანის ზედამხედველობით მიმდინარეობდა.

წინანდალში ჩატარებულმა რიგით მე-6-ე კლასიკური მუსიკის ფესტივალმა კიდევ ერთხელ დაადასტურა, რომ საქართველო სულ უფრო მეტად იპყრობს საერთაშორისო საზოგადოების ინტერესს, ყურადღებას და კლასიკური მუსიკის მოყვარულებს მუსიკის, ხელოვნების ერთობის და ჰუმანურობის ძალით, კულტურულ მარგალიტში – წინანდალში აერთიანებს.

კიდევ წაიკითხეთ

Monaco
მოგზაურობა

Monaco

კონიაკის რეგიონის საუკეთესო ტერიტორიაზე – გრანდეს შამპანურის მიწებზე გაშენებული ვაზის უნიკალური მოსავლით იქმნება „მონაკო“, რომლის დაგემოვნების საშუალებაც ქართველ მომხმარებლებს პირველად წელს მიეცათ. ეს უკანასკნელი იშვიათი და უნიკალური კონიაკია, რომელიც ლიმიტირებულად იწარმოება და…

ქართველების წარმატება პარიზის ოლიმპიადაზე
სპორტი

ქართველების წარმატება პარიზის ოლიმპიადაზე

პარიზის 2024 წლის ზაფხულის 33-ე ოლიმპიურმა თამაშებმა სტარტი 26 ივლისს აიღო. საქართველოდან პარიზში 28 სპორტსმენი წავიდა. ძიუდო, ჭიდაობა, ძალოსნობა, კრივი, ტყვიის სროლა, მძლეოსნობა, ცურვა, ბატუტზე ხტომა და ფარიკაობა – ქართველმა ათლეტებმა სპორტის…

მერაბ დვალიშვილი – UFC-ის სუპერმსუბუქის წონის ჩემპიონი გახდა
სპორტი

მერაბ დვალიშვილი – UFC-ის სუპერმსუბუქის წონის ჩემპიონი გახდა

15 სექტემბერი ქართულ საბრძოლო ხელოვნებაში ისტორიულ თარიღად ჩაიწერა. ნევადაში, ლას-ვეგასის Sphere-ში, UFC 306-ზე საჩემპიონო ბრძოლაში მერაბ დვალიშვილმა შონ ომალი დაამარცხა და სუპერ-მსუბუქი წონის საჩემპიონო ქამარი მოიპოვა. ქართველი მებრძოლი სფეროს დარბაზში ეროვნული სამოსით…